આ બ્લોગમાં વર્તમાનપત્રો, મેગેઝિનો, વિકીપીડીયા,GK ની વેબસાઇટો, વગેરે માધ્યમોનો સંદર્ભ તરીકે ઉપયોગ કરવામા આવેલ છે જે માટે સૌનો હ્રદયપૂર્વક આભાર વ્યક્ત કરુ છુ.બ્લોગથી મને લેશમાત્ર આવક નથી.જેની નોંધ લેશો.

Friday 27 June 2014

♥ શેવાળ ♥

→ નદીકિનારે જાઓ તો પાણીમાં ભિંજાયેલા રહેતાં પથ્થરો પર ચિકણી લીલ બાઝેલી જોવા મળે છે.
આપણા બાથરૃમમાં ખૂણામાં પણ નિયમિત
સફાઇ ન થાય તો લીલા રંગની લીલ બાઝેલી જોવા મળે છે. આ ચીકણી લીલ આપણને ગમે નહીં પરંતુ તમે જાણો છો કે પૃથ્વી ઉપરની તમામ વનસ્પતિની તે માતા છે. તેને શેવાળ પણ કહે છે.

→ પૃથ્વી પેદા થયા પછી ઠંડી પડી અને મહાસાગરો અસ્તિત્વમાં આવ્યા પછી સૌપ્રથમ પાણીમાં સજીવ તરીકે શેવાળ પેદા થયો. લીલા રંગના શેવાળમાં ક્લોરોફિલ હતું એટલે સૂર્યપ્રકાશમાં પ્રકાશ સંશ્લેષણની ક્રિયાથી તેને ઓક્સિજન મળવા લાગ્યો. આમ તે પૃથ્વી પરની પ્રથમ વનસ્પતિ બની.

→ શેવાળ એકકોષી સજીવ છે. લીલા શેવાળ
પછી લાલ અને ભૂરા શેવાળ પેદા થયા.

→ શેવાળને સાઇનો બેક્ટેરિયા પણ કહે છે. આ
બેક્ટેરિયા સૂર્યપ્રકાશ અને ઓક્સિજનની મદદથી બહુકોષી જીવ તરીકે વિકાસ પામ્યા અને પૃથ્વી હરિયાળી બની.

♥ U R WATCHING.....
www.aashishbaleja.blogspot.com

♥ દાડમ ♥

♠ પૃથ્વી પરનું સદીઓ જૂનું ફળ - દાડમ ♠

લાલ ચટક ભરપુર દાણાવાળું દાડમ લોકપ્રિય ફળ છે આયુર્વેદમાં ઘણા રોગોમાં તે ઉપયોગી છે.

→ ઇ.સ. પૂર્વે ૧૦૦ના સમયમાં પણ લોકો દાડમનો ઉપયોગ કરતા.પર્શિયા, ઇજીપ્ત અને રોમમાં પ્રાચીન કાળમાં દાડમ મહત્ત્વનું લોકપ્રિય ફળ હતું.

→ તેના વિશે અનેક દંતકથાઓ અને માન્યતાઓ
પ્રચલિત હતી.

→ દાડમનું વૃક્ષ ૧૫ ફૂટ ઊંચુ થાય છે અને તે એક
સો વર્ષ કરતાંય વધુ સમય ફળો આપે છે.

→ દાડમની ૭૬૦ જાતો જોવા મળે છે.

→ દાડમ પ્રાચીન સંસ્કૃતિઓ અને આયુર્વેદમાં ઉત્તમ અને સ્વાસ્થ્યવર્ધક ફળ ગણાય છે.

→ પ્રાચીન ગ્રીસમાં ધાર્મિક પ્રસંગો અને લગ્ન વિધિમાં દાડમ વધેરવામાં આવતું.

→  બેબીલોનના પ્રાચીન ધર્મગ્રંથો અને કુરાનમાં પણ દાડમનો ઉલ્લેખ જોવા મળે છે. ઇજીપ્તના પિરામિડોમાંથી પણ દાડમ સંગ્રહાયેલા મળી આવ્યા હતા.

→ દાડમની ખેતી વિશ્વભરના તમામ દેશોમાં થાય છે.

→ જાપાનમાં ટચુકડા બોન્સાઇ વૃક્ષ માટે દાડમના ઝાડની પ્રથમ પસંદગી થાય છે.

→ આયુર્વેદમાં દાડમની છાલ, વૃક્ષનાં પાન અને વૃક્ષનાં મૂળ પણ ઔષધ તરીકે વપરાય છે.

Saturday 21 June 2014

♥ Brigade- batalian ♥

♠સૈન્યમાં બ્રિગેડ, બટાલિયન એટલે શું? ♠

* દરેક દેશના રક્ષણ કરતા સૈન્યના ત્રણ મુખ્ય
ભાગ હોય છે. વાયુદળ કે જે આકાશમાં રક્ષણ
કરે જેમાં વિમાનો હેલિકોપ્ટરો વગેરે હોય.

* બીજું ભૂમિદળ કે જમીન પર રહી રક્ષણ કરે
તેમાં ટેન્કો અને વાહનો હોય.

* ત્રીજું દરિયામાં જળ સીમાનું રક્ષણ કરતું દળ
નૌકાદળ. આ દળ જહાજ, સબમરીન વગેરેનો ઉપયોગ કરે

♥ સૈન્યમાં લાખો સૈનિકો હોય છે. એટલે
સારા વહીવટ માટે સેનાના જવાનોને
અલગ અલગ ટૂકડીમાં વહેંચવામાં આવે છે.

♥ ૭૦૦૦૦ સૈનિકોની એક કોર બને. લેફ્ટનન્ટ
જનરલ તેના વડા હોય છે. ત્યાર બાદ ૧૬
થી ૧૮ હજાર સૈનિકોની ડિવીઝન બને.
ડિવીઝનના વડા મેજર જનરલ હોય છે.

♥ ડિવીઝનના સૈનિકોને ૨ થી ૩ હજાર
સૈનિકોની એક એવી અનેક બ્રિગેડ બને.
બ્રિગેડનાય ભાગલા પાડીને ૮૦૦ થી ૧૦૦૦ સૈનિકોની બટાલિયન બને તેના વડા કર્નલ કહેવાય છે. બટાલિયનના પણ ભાગ પાડીને ૨૦૦ થી ૩૦૦ સૈનિકોની એક એવી કંપની બને. ત્યારબાદ ૩૦ થી ૪૦ સૈનિકોની એક
એવી પ્લેટૂન બને.

♥ સૈન્યનું સૌથી નાનું એકમ સેક્શન હોય છે
જેમાં ૮ થી ૧૨ સૈનિકો હોય છે. મોટી હોનારતમાં બચાવ કાર્ય કે તોફાનો દરમિયાન જરૂર પ્રમાણે
બટાલિયન કે કંપની મોકલવામાં આવે છે.

♥ ચિત્તાની ઝડપી દોડનું રહસ્ય ♥

♠ GK BLOG ♠
www.aashishbaleja.blogspot.com

→ પૃથ્વી પરના સ્થળચર પ્રાણીઓમાં સૌથી વધુ ઝડપે દોડનાર પ્રાણી ચિત્તો છે. તે કલાકના ૧૧૩
કિલોમીટરની ઝડપથી દોડે છે.

♠ ચિત્તામાં ઝડપથી દોડવાની શક્તિ ક્યાંથી આવતી હશે તે જાણો છો?

- કોઈપણ વાહન કે પ્રાણીને ઝડપથી દોડવા માટે તેનો આકાર મહત્ત્વનો છે. જેમ ઘર્ષણ ઓછું તેમ ગતિ વધે. ચિત્તાનું પાતળું શરીર આ લાભ આપે છે. ચિત્તાના આગલા પગના પંજા જોરદાર હોય છે. કૂદકો મારી જમીન પર પક્કડ જમાવી શકે છે એટલે લપસી પડતાં નથી.

- વળી તેના પાછલા પગ પણ લાંબા હોય છે અને કરોડરજ્જુ સ્થિતિસ્થાપક હોય છે. ઝડપથી દોડતી વખતે તે બેવડ વળીને પાછલા પગ મોંથી પણ આગળ લઈ જઈ શકે છે એટલે તેની છલાંગ લાંબી બને છે અને એક છલાંગે અંતર વધુ કાપે છે.

- ચિત્તાના નસકોરાં મોટા હોય છે એટલે તે શ્વાસમાં વધુ હવા લઈ શકે છે. તેના ફેફસાં અને હૃદય પણ મોટાં હોય છે જે વધુ ઓક્સિજન લઈને શરીરને
ઝડપથી લોહી પણ પૂરું પાડે છે.

- આમ ચિત્તાની રચના જ દોડવા માટે જ સર્જાઈ છે. દોડતી વખતે તેની લાંબી પૂંછડી બેલેન્સ જાળવવામાં અને દિશા બદલવામાં ઉપયોગી થાય છે.

- ચિત્તો મોટેભાગે હરણ અને સાબર જેવા ઝડપથી દોડનારા પ્રાણીઓનો શિકાર કરે છે. એટલે તેને ખોરાક મેળવવા ઝડપથી દોડવું જ પડે અને કુદરતે તેનું શરીર પણ તેવું જ ઘડયું છે.

♠ GK BLOG ♠
www.aashishbaleja.blogspot.com

♥ ફૂટબોલ ♥

 
★ રોમાંચક રમત ફૂટબોલનું અવનવું ★
* ફૂટબોલ વિશ્વની લોકપ્રિય રમતોમાંથી એક છે. ૧૯૦૪માં ઇન્ટરનેશનલ ફૂટબોલ એસોસીયેશનની સ્થાપના થઇ હતી.
* ૧૯૦૮માં ફૂટબોલને ઓલિમ્પિકમાં સ્થાન
મળેલું.
* ફૂટબોલની સૌથી જૂની કલબ બ્રિટનના શેફિલ્ડમાં ૧૮૫૭માં શરૂ થયેલ.
* ૧૯૪૮માં ભારતની ફૂટબોલની ટીમ ઓલિમ્પિકમાં પ્રથમવાર સ્થાન પામેલ.
* ફૂટબોલનો દડો હરણના ચામડામાંથી બનાવવાની પરંપરા છે. તે સામાન્ય રીતે ૫.૫થી ૬.૩ ઇંચ વ્યાસનો હોય છે.
* ઇ.સ.૧૫૪૦માં બનેલો ફૂટબોલનો સૌથી જુનો દડો આજે અમેરિકાના સ્મિથ મ્યુઝિયમમાં જોવા મળે છે. તેનું વજન ૧૨૫ ગ્રામ છે.
* ફૂટબોલના દડાનું કદ સામાન્ય રીતે ૨૭થી ૨૮ ઇંચના પરિઘનું હોય છે. વજન ૪૧૦ થી ૪૫૦ ગ્રામ હોય છે. જુદી જુદી કક્ષની ફૂટબોલ સ્પર્ધા માટે રમતમાં ૩, ૪ કે ૫ નંબરના કદના દડા વપરાય છે. ૧૯૫૦થી ફૂટબોલ સફેદ દડાથી રમવાની મંજૂરી મળી હતી.
 
♥ GK BLOG ♥
www.aashishbaleja.blogspot.com

♥ એલ્યુમિનિયમ ♥

@ એલ્યુમિનિયમનાં વાસણોમાં રાંધેલો ખોરાક
નુકસાનકારક કેમ ગણાય છે? @

→ સ્ટીલની ધાતુ કરતાં એલ્યુમિનિયમ ધાતુ નરમ
હોય છે તેથી વાસણમાં ચમચો ફેરવતી વખતે
એલ્યુમિનિયમ ઉખડે છે અને ખોરાકમાં ભળે
છે. એલ્યુમિનિયમ ધાતુ મગજના કોષો પર માઠી અસર કરે છે.થાક લાગે, ખાવાની રુચિ ઘટે, ચક્કર આવે, વગર કારણે શ્રમ લાગે તેથી મગજના આગલા ભાગના કોષો વારાફરથી નાશ પામે છે.

→ બીજું કારણ એ છે કે, એલ્યુમિનિયમનાં વાસણ બનાવવા માટે ભંગારમાં જે ધાતુ મળી હોય તે
ભઠ્ઠામાં પધરાવવામાં આવે છે. ભંગારમાં જસત પણ હોઈ શકે, જસતનો દેખાવ એલ્યુમિનિયમ જેવો જ હોય છે. તેથી પરોક્ષ રીતે તે પણ આમાં આવે છે. આવાં વાસણમાં ખાટા પદાર્થો રાંધવામાં આવે તો તેમાં થોડા પ્રમાણમાં જસત ઓગળે છે
અને ખોરાકમાં ભળે છે. આપણું જઠર
જસતના આ જથ્થાનો યોગ્ય રીતે નિકાલ
કરી શકતું નથી. વધારાનું જસત યકૃતમાં અને
થાઇરોઇડ ગ્રંથિમાં તથા મગજના કોષોમાં એકઠું
થાય છે અને જ્ઞાાનતંત્રની કાર્યવાહીને
ખોરવે છે. તેનાથી યાદશક્તિ નબળી પડે છે.
ક્યારેક લકવાનો હુમલો થવાની શક્યતા રહે છે.
બને ત્યાં સુધી એલ્યુમિનિયમનાં વાસણોમાં રાંધેલો ખોરાક ખાવાનું ટાળો.

♥ અનુસ્વારના નિયમો - વાક્યમાં પ્રયોગ ♥

Wednesday 18 June 2014

♥ વરસાદના વિવિધ રૂપો ♥

♠ GK BLOG ♠
www.aashishbaleja.blogspot.com

♦ આપણે ભારે વરસાદ વરસતો હોય ત્યારે અવાર-નવાર શબ્દ બોલતા હોઇએ છીએ કે  બારેમેઘ ખાંગા થયા.

♦ બારે મેઘના બાર પ્રકારના વરસાદના નામ છે. આ બારેય વરસાદ એક સાથે વરસી પડે ત્યારે કહેવાય કે બારેમેઘ ખાંગા થયા છે. આ બારેય મેઘના નામ નિચે મુજબ છે.

♥ બાર પ્રકારના મેઘ  ♥

૧. ફરફર :
→ માત્ર રૂવાડાં ભીના થાય એવો વરસાદ.

૨. છાંટા :
→ ફરફર કરતાં વધુ પણ પ્રમાણમાં ઘણો ઓછો વરસાદ.

૩. ફોરાં :
→ છાંટા કરતા વધારે. જમીન પર પડતું ટીપું એકાદ ઈંચ જગ્યાને પલાળે એવો વરસાદ.

૪. કરાં :
→ ફોરાં કરતા મોટા ટીપાં, જે બરફ રૂપે વરસે.

૫. પછેડી વા :
→ પછેડી હોય તો રક્ષણ મળે તેવો વરસાદ.

૬. નેવાંધાર :
→ ઘરના નળિયા સંતૃપ્ત થઈ જાય પછી ટપકવા માંડે એવો વરસાદ.

૭. મોલ-મે :
→ ખેતરમાં પાકને જીવતદાન મળે એટલો વરસાદ.

 ૮. અનરાધાર :
→ છાંટા કે ફોરા એકબીજાને અડી જાય, જાણે ધાર પડતી હોય એવુમ લાગે એવો વરસાદ.

 ૯. મુશળધાર કે સુપડાધાર
→ બે ચાર ધારા ભેગી થઇને એકધારી વરસતી રહે
તેવો વરસાદ. જાણે સુપડામાંથી પાણી પડતું લાગે.

૧૦. ઢેફા ભાંગ :
→ ખેડેલા ખેતરોની માટીના ઢેફાને ભાંગે એવો વરસાદ આને વાવણી જોગ પણ કહેવાય.

૧૧. પાણ-મે :
→ ખેતરના ક્યારાઓ પાણીથી ભરાઈ જાય. પાણી જમીનમાં ઉતરે, કૂવાની સપાટી ઉંચી આવે.

૧૨. હેલી :
→ આ ૧૧ પ્રકારના વરસાદનું મિશ્રણ વરસ્યા કરે. અઠવાડિયા સુધી કોઈપણ પ્રકારનો વરસાદ ચાલુ રહે તેને હેલી વરસી એવું કહેવાય છે.

♠ GK BLOG ♠
www.aashishbaleja.blogspot.com

Monday 16 June 2014

♥ NEW MAP OF GUJRAT WITH RTO CODE ♥

♥ ગુજરાત - જિલ્લાઓ અને તાલુકાઓ ♥

♥ એક મીટર લંબાઇ ♥

→ એક મીટર લંબાઇ કેવી રીતે નક્કી થઇ ? ←

પ્રાચીન કાળમાં હાથ અને
આંગળીની લંબાઇ કે જાડાઇ પ્રમાણે
લંબાનું માપ ગણાતું. કોઇ વસ્તુ
કેટલા કદની છે તે કહેવા ચાર આંગળ કે આઠ
આંગળ જેવા શબ્દો વપરાતા. અંતર માટે
કેટલા હાથ લંબાઇ છે  તે જણાવાતું
આમાં હાથ એટલે પંજાથી કોણી સુધીનું
અંતર.

→ પ્રાચીન મીસરમાં જમીન
માપવા માટે રાજવીઓ માપ નક્કી કરતા અને ચોક્કસ માપની સાંકળ રાખતા. તેમના રાજ્ય પૂરતી જમીનની માપણી તે સાંકળ દ્વારા થતી. ત્યાર બાદ ફૂટ, વાર અને ગજ જેવા લંબાઇના પ્રમાણ માપ પ્રચલિત બન્યા. આજે વિશ્વભરમાં લંબાઇનો એક
મીટર ગણાય છે.

→ પૃથ્વીના વિષૃવવૃતથી ઉત્તરમાં આવેલા ધ્રુવના તારા સુધીના અંતરના કરોડમા ભાગને
એક મીટર નામ અપાયું જે વિશ્વભરમાં લાગુ કરાયો. આ મીટર ૩૯.૭૭
ઇંચનો હતો.

→ ૧૯૬૦માં વધુ ચોક્સાઇ માટે
વિજ્ઞાાનનો આશરો લેવાયો. ક્રિપ્ટન
ધાતુના કેસરી રંગના મોજાની તરંગ
લંબાઇને મીટર નામ અપાયું.

→ આજે આપણે મીટર ગણીએ છીએ તે ૧૯૮૩માં નક્કી થયેલી ફોર્મ્યુલા છે. તે મુજબ શૂન્યાવકાશમાં પ્રકાશ ૧/૨૯૯૭૯૨૪૫૮ સેકંડમાં એક મીટર અંતર કાપે છે. દરેક તોલમાપ વિજ્ઞાાનિક ધોરણે
આંતરરાષ્ટ્રીય કક્ષાએ નક્કી થયા. જે તે
સિસ્ટમ ઇન્ટરનેશનલ યુનિટ કહે છે. જોકે
પશ્ચિમના દેશોમાં લંબાઇ માટે મીટર
કરતાં અંતર માટે માઇલનું પ્રમાણ માપ
પ્રચલીત છે.

♥ યુદ્ધમાં વપરાતું વાહન - ટેન્ક ♥


- શહેરના રસ્તાઓ ઉપર જાતજાતના વાહનો જોવા મળે જંગી કદના બુલડોઝરની પણ હવે નવાઇ
નથી. પરંતુ યુધ્ધમાં રણમોરચા પર ઉપયોગમાં આવતી ટેન્ક આપણને માત્ર પ્રજાસત્તાક દિનની પરેડમાં જ જોવા મળે છે.

- ટેન્ક ખાડા ટેકરા જેવા વિષમ રસ્તા પર ચાલતું
અનેક પૈડાવાળું સાધન છે.

- ટેન્કને વાહનને બદલે શસ્ત્ર કહીએ તો પણ ખોટું નથી.

♥ ૧૯૧૪ થી ૧૯૧૮ સુધી ચાલેલા પ્રથમ વિશ્વયુધ્ધમાં ટેન્કોનો વધુ ઉપયોગ થયો હતો અને નવી ટેકનોલોજી દ્વારા તેનો વિકાસ પણ થયો હતો. યુધ્ધમાં વધુ ઉપયોગિતાને કારણે ટેન્કની રચના અને ક્ષમતામાં ઘણા સુધારાવધારા થયા.

♥ ઇ.સ.૧૯૩૯થી ૧૯૪૫ દરમિયાન થયેલા બીજા વિશ્વયુધ્ધમાં વધુ ક્ષમતાવાળી ટેન્કોનો ભરપૂર ઉપયોગ થયેલો.

♥ ટેન્કની રચના વિશિષ્ટ હોય છે. ગમે તેવા ઉબડખાબડ રસ્તા પર ચાલવા માટે તેને ચાર કરતાં વધુ પૈડાં અને પૈડા ઉપર પહોળો ચેન હોય છે. ચારે તરફથી બંધ વાહનમાં દારૃગોળો અને ટોચ ઉપર તોપનું નાળચું હોય છે. નાળચું ચારે તરફ અને ઉપરનીચે ફરી શકે તેવી ગોઠવણ હોય છે.

♥ ટેન્કના જંગી કદ અને આકારની કલ્પના માટે
ભારતની વિજયન્તા ટેન્કનો દાખલો જોઇએ.

♥ વિજયન્તા ટેન્ક ૧૯૬૫થી ૨૦૦૮ સુધી ભારતીય
સેનામાં ઉપયોગમાં લેવાયેલી. ૩૯૦૦૦
કિલોગ્રામ વજનની આ ટેન્ક ૩૨.૧૧ ફૂટ
લાંબી અને ૧૦ ફૂટ પહોળી હતી.

♥ ૮ ફૂટ ઊંચા મથાળા પર ૩ ઇંચ વ્યાસના નાળચાવાળી તોપ હતી. જેમાંથી એક સમયે ૪૪ દારૃગોળા છોડી શકતા.

♥ ટેન્ક ૫૦ કિલોમીટર પ્રતિકલાકની ઝડપથી દોડતી.

♥ ભારતીય સેનામાં હાલમાં ઉપયોગમાં લેવાતી અર્જુન ટેન્ક પણ અજાયબ છે. ૫૮ ટન વજનની અર્જુન ૩૪ ફૂટ લાંબી અને ૧૨ ફૂટ પહોળી છે.

♥ હવામાન / વરસાદ વિજ્ઞાન ♥

→ હવામાન અને વરસાદની આગાહીનું વિજ્ઞાન પ્રાચીનકાળમાં વરસાદને ભગવાનની કૃપા અને જળદેવતા સમજીને પૂજવામાં આવતો. વરસાદ સંબંધી જાતજાતની અટકળો થતી અને અનેક માન્યતાઓ પ્રવર્તતી. વિજ્ઞાાનનો વિકાસ થયા પછી માણસજાતને ઘણી કુદરતી ક્રિયાઓની સમજ મળી.

→ વરસાદ અંગે આજે આપણે ઘણું જાણીએ છીએ. આ સમજની શરૃઆત ૧૯મી સદીની શરૃઆતમાં થઈ. વાદળોની ઉત્પત્તિ અને રચનાની વૈજ્ઞાાનિક માહિતી પ્રકાશમાં આવી. સમુદ્ર અને જળાશયોનું પાણી વરાળ થઈને આકાશમાં જઈ ઠંડી પડયા પછી વરસાદ આવે છે તે લોકો જાણતા હતાં. પરંતુ વાદળ અને તેની ગતિવિધિ વિશે અભ્યાસ  થયો નહોતો.

૧૯૫૯માં મિસાઈલની મદદથી ૧૧૩૦ કિલોમીટરની ઊંચાઈએ રહેલા વાદળોની પ્રથમ વાર તસવીરો લેવાઈ. ત્યાર બાદ વાદળોનો વૈજ્ઞાાનિક ઢબે અભ્યાસ કરીને વરસાદ ક્યાં, ક્યારે અને કેટલો પડશે તેના અંદાજ લગાવવા શરૃ થયા.

→ ૧૯૬૦માં હવામાનના અભ્યાસ માટે 'ટાઈહોસ' નામનો સેટેલાઈટ તરતો મૂકાયો.

→ આજે સેટેલાઈટની મદદથી વાદળોના પળેપળના નકશા બને છે અને તેની ગતિવિધિ ઉપરથી પવનની ઝડપ વગેરેની અસરો તપાસીને
વરસાદની ચોક્કસ આગાહી કરી શકાય છે.
એક અંદાજ મુજબ પૃથ્વી પરના વિવિધ
જળાશયોમાંથી વર્ષે લગભગ ૪ લાખ ઘન
કિલોમીટર પાણીની વરાળ આકાશમાં જાય છે અને તે ફરી બરફવર્ષા, વરસાદ, ધુમ્મસ વગેરે દ્વારા જમીનને પાછું મળે છે. તેમાં ચોથા ભાગનું પાણી જમીન પર વરસે છે અને બાકીનું સમુદ્રમાં.

♥ બિલાડી ♥

* બિલાડી જુદાં જુદા પ્રકારના ૧૦૦
અવાજ કાઢી શકે છે.

* વિશ્વની સૌથી નાની બિલાડી હિમાલયન
પર્શિપત માત્ર ત્રણ ઇંચ ઊંચી અને ૭ ઇંચ
લાંબી હોય છે.

* બર્મા અને મલેશિયાની બિલાડીઓ
સૌથી વધુ બચ્ચાંને જન્મ આપે છે.

* વિશ્વની સૌથી મોટા કદની બિલાડી હિમી ૩૮
ઇંચ લાંબી હતી. તેનું વજન ૨૫ કિલોગ્રામ હતું.

* ઇજીપ્તમાં બિલાડીની હત્યા ગુનો ગણાય છે.

* લંડનમાં ઇ.સ.૧૮૭૧માં બિલાડીઓનો શો શરૃ
થયેલો આજે પણ ક્રિસ્ટલ પેલેસમાં આ
શો યોજાય છે. જેમાં શોખીન લોકો પાલતુ બિલાડીને ફેશનેબલ પોષાક સાથે રજૂ કરે છે.

* બિલાડી પાળવાના શોખીને માટે
બિલાડીની ખાસ ૧૦૦ પ્રકારની જાત
વિકસાવવામાં આવી છે.

* બિલાડીને રોજ પાંચ ઉંદર જેટલું ભોજન
જોઇએ.

* બિલાડીના કાનમાં હલનચલન માટે ૩૨
સ્નાયુઓ હોય છે.

* બિલાડીની મૂછોમાં બંને તરફ ૧૨-૧૨
વાળ હોય છે. આ વાળ એન્ટેના જેવું કામ કરે
છે અને બિલાડી તેને સ્વતંત્ર રીતે હલાવી શકે છે.

* બિલાડીની પૂંછડીમાં ૨૩ હાડકાં હોય
છે.

Friday 13 June 2014

♥ Pan card ♥


♥ GK BLOG ♥
www.aashishbaleja.blogspot.com

→PAN is a 10 digit alpha numeric
number, where the first 5 characters
are letters, the next 4 numbers and
the last one a letter again.

→These 10 characters can be divided
in five parts as can be seen below.
The meaning of each number has
been explained further.

1. First three characters are
alphabetic series running from AAA to ZZZ.

2. Fourth character of PAN represents
the status of the PAN holder.

• C — Company
• P — Person
• H — HUF(Hindu Undivided Family)
• F — Firm
• A — Association of Persons (AOP)
• T — AOP (Trust)
• B — Body of Individuals (BOI)
• L — Local Authority
• J — Artificial Juridical Person
• G — Government

3. Fifth character represents first
character of the PAN holder’s last
name/surname.

4. Next four characters are sequential
number running from 0001 to 9999.

5. Last character in the PAN is an
alphabetic check digit.

Nowadays, the DOI (Date of Issue) of
PAN card is mentioned at the right
(vertical) hand side of the photo on
the PAN card.

♥ GK BLOG ♥
www.aashishbaleja.blogspot.com