આ બ્લોગમાં વર્તમાનપત્રો, મેગેઝિનો, વિકીપીડીયા,GK ની વેબસાઇટો, વગેરે માધ્યમોનો સંદર્ભ તરીકે ઉપયોગ કરવામા આવેલ છે જે માટે સૌનો હ્રદયપૂર્વક આભાર વ્યક્ત કરુ છુ.બ્લોગથી મને લેશમાત્ર આવક નથી.જેની નોંધ લેશો.

Wednesday 30 September 2015

♥ ફૂલોની અજાયબ દુનિયા ♥

→ વનસ્પતિથી પૃથ્વી સુંદર બની છે. વનસ્પતિનું સૌંદર્ય ફૂલોને આભારી છે. રંગબેરંગી અને સુગંધીદાર ફૂલ એ સૌંદર્યનું પ્રતીક છે. અન્ય સજીવ સૃષ્ટિની જેમ ફૂલોમાં પણ વૈવિધ્ય હોય છે. કેટલાંક અજાયબીભર્યા ફૂલોને પણ ઓળખવા જેવાં છે.

♣ વનસ્પતિ જગતનું સૌથી મોટું ફૂલ રાફલેશિયા ૩ ફૂટ વ્યાસનું હોય છે અને વજન ૭ કિલો. આ ફૂલ સુગંધને બદલે દુર્ગંધ ફેલાવે છે.

♣ ઘણા ફૂલોના ઝૂંડ હોય છે. બોલિવિયાનું રાયમોન્દી ફૂલનાં ઝુમખાં ૮ ફૂટ વ્યાસના હોય છે. એક ઝુમખામાં ૮ થી ૧૦ હજાર ફૂલ હોય છે.

♣ બધા ગુલાબ સવારે ખીલે પણ પ્રાઈમ રોઝ ગુલાબ સાંજે ખીલે છે. સૂર્યાસ્ત થાય એટલે પ્રાઈમ રોઝની પાંદડીઓ અવાજ સાથે ખીલે છે.

♣ તણખલા જેવા ઘાસને પણ ફૂલો હોય છે. આયરિશ ઘાસ જેવો છોડ તેમાં નાનકડું એક જ ફૂલ ખીલે. તે કરમાઈને ખરી પડયા પછી જ બીજું  ફૂટે.

♣ ઘણા ફૂલોનો આકાર વિચિત્ર હોય છે. ઉત્તર આફ્રિકામાં થતાં સ્નેપડ્રેગનનો આકાર ડ્રેગનના મોઢા જેવો હોય છે. ૧૫ થી ૩૦ ઈંચ ઉંચાઈના છોડ પર થતાં સ્નેપડ્રેગન ફૂલની વિવિધ રંગની ૨૧ જાત થાય છે.

♣ તમને જાણીને નવાઈ લાગશે પણ સ્નેપડ્રેગન ફૂલમાંથી કાળા રંગના ફળ બેસે છે તેનો આકાર માનવ ખોપડી જેવો બિહામણો હોય છે.

No comments:

Post a Comment

Note: only a member of this blog may post a comment.