♥ વાંસના ઝાડ વિશે તમે કેટલું જાણો છો? ♥

♥ વાંસને હવે માત્ર ઠાઠડી બાંધતી વખતે જ યાદ કરાય છે. વાંસના ઝાડ આંબા કરતાંય મોભાદાર છે.

♥ આંબો દસ વર્ષે કેરી આપે તો વાંસ ૩૦ વર્ષે, ૬૦ વર્ષે કે ૧૨૦ વર્ષે નવા ફૂલ મુકીને તેનાં બીજ આપે છે. વાંસ વિષે આપણું જ્ઞાન મર્યાદિત છે.

♥ વાંસના વૃક્ષનાં પાંદડામાં બીજા ઘાસ કરતા ચાર ગણું પ્રોટીન હોય છે.

♥ તેનામાં સિલિકા ધાતુના અંશ હોઇ તે અત્યંત મજબૂત છે.

♥ હોંગકોંગની બહુમાળી ઇમારતો બાંધવા વાંસના માંચડા હજી કામે લેવાય છે.

♥ વાંસના માવામાંથી ઉત્તમ કાગળ પણ બને છે.

♥ દરેક વાંસના વૃક્ષની અંદર એક આંતરિક ઘડિયાળ છે. ચીન, મલેશિયા કે ગુજરાત કે આસામના વાંસના રોપને તમે જગતના કોઇ પણ છેડે લઇને રોપી દો. બધા જ દેશોના વાંસના વૃક્ષ પર એક જ દિવસે ફૂલ ઉગશે. એક જ દિવસે બીજ ખીલીને ખેરવાઇ જશે અને કુદરતી રીતે એક જ દિવસે વાંસનું વૃક્ષ સુકાઇને ઢળી પડશે!