આ બ્લોગમાં વર્તમાનપત્રો, મેગેઝિનો, વિકીપીડીયા,GK ની વેબસાઇટો, વગેરે માધ્યમોનો સંદર્ભ તરીકે ઉપયોગ કરવામા આવેલ છે જે માટે સૌનો હ્રદયપૂર્વક આભાર વ્યક્ત કરુ છુ.બ્લોગથી મને લેશમાત્ર આવક નથી.જેની નોંધ લેશો.

Saturday 21 January 2017

♥ ઊંડા સમુદ્રની રાક્ષસી માછલી - વાઇપર ફીશ ♥



🌺 ઊંડા સમુદ્રમાં રહેતી માછલીઓ સામાન્ય માછલી કરતાં તદ્દન જુદા પ્રકારની હોય છે. ઊંડાઈએ ભારે પાણીનું દબાણ અને વિશિષ્ટ જીવસૃષ્ટિ વચ્ચે આ માછલીઓના અંગો પણ વિચિત્ર રીતે વિકસ્યાં છે તેમાં વાઈપર ફિશ તો ભયાનક અને રાક્ષસી જીવ છે. માત્ર ૧૧થી ૧૨ ઈંચ લાંબી આ માછલીનું જડબું મોટું હોય છે અને તેમાંથી અણીવાળા દાંત બહાર નીકળેલા હોય છે. બહાર નીકળેલા દાંત આંખ તરફ વળેલા પણ હોય છે.

🌺 મોટી આંખો અને દાંતને કારણે તે વિકરાળ દેખાય છે. અન્ય જીવો આ  દેખાવ જોઈને જ ગભરાઈ જાય છે.

🌺 વાઈપર ફિશના માથા પર દબાણ કે આંચકા સહન કરી શકે તેવી ગાદી હોય છે.

🌺 તેની પાંખો લાંબી હોય છે અને પાંખોને છેડે આગિયાની જેમ પ્રકાશ પેદા કરતી ગ્રંથિ હોય છે.

🌺 વાઈપર ફિશ કાળા કે ઘેરા લીલા રંગની હોય છે.

🌺 વાઈપર ફિશના દાંત અંધકારમાં શિકારને પકડીને જકડી રાખે છે.

🌺 તે ઊંડા દરિયામાં શાંતિથી ઊભી રહીને શિકારની રાહ જુએ છે. તેનું માથું ગોળાકાર ઘૂમી શકે છે એટલે મોટા શિકારને આસાનીથી પકડી શકે છે.

🌺 દિવસ દરમિયાન તે ૫૦૦૦ ફૂટની ઊંડાઈએ રહે છે રાત્રે શિકારની શોધમાં ૨૦૦૦ ફૂટની ઊંડાઈ સુધી ઊંચે આવે છે.

🌺 વાઈપર ફિશ સમગ્ર વિશ્વના સમુદ્રોમાં ઊંડાઈએ જોવા મળે છે. તે ૧૫ વર્ષ જીવે છે.

No comments:

Post a Comment

Note: only a member of this blog may post a comment.